हल सिटी रेलिगेशन तर्फ

एजेन्सी, २१ म्ंसिर । प्रिमियर लिगमा मिडल्सबर्गसँग पराजित भएसँगै हल सिटी रेलिगेशन तर्फ धकेलिएको छ । गएराति भएको खेलमा मिडल्सबर्गसँग हलसिटी १–० गोल अन्तरमा पराजित भएको पछि रेलिगेशनमा पर्ने सम्भावना बलियो भएको हो । ग्यास्टन रामिरेजले गोल गर्दै मिडल्सबुर्जलाई जिताए । ग्यास्टन रेमिरेजले ६० औं मिनेटमा हेडमार्फत गोल गर्दै मिडल्सबर्गलाई जित दिलाएका हुन् ।
यो हारसँगै हल सिटीको रेलिगेशनमा पर्ने सम्भावना बलियो भएको छ । हलले लिगमा १४ खेलबाट ११ अंक जोडेको छ । तीन खेलमा जीत र २ खेलमा बराबरी खेलेको उसले ९ खेल हारेको छ । हल अंक तालिकाको १९ औं स्थानमा छ । हलले अंक तालिकाको पुछारमा रहेको स्वान्सीलाई मात्र उछिनेको छ ।