तामाङको संयोजकत्वमा राप्रपाको विधान संशोधन सुझाव समिति गठन

काठमाडौँ, २० मंसिर । बुद्धिमान तामाङको संयोजकत्वमा आठ सदस्यीय राष्ट्रिय प्रजातन्त्र पार्टीको विधान संशोधन सुझाव समिति गठन गरेको छ । राप्रपा र राप्रपा नेपाल एकीकरण भएपछि विधान संशोधन गर्न लागिएको हो । उक्त समितिमा राजेन्द्र लिङ्देन, सुशील श्रेष्ठ, ठाकुरप्रसाद शर्मा, भरतजङ्ग उप्रेती, कुन्तीकुमारी शाही, नरेन्द्र चौधरी र राजाराम बर्तौला सदस्य रहेका छन् ।
उक्त समितिबाट नेता तथा कार्यकर्ताको भावनालाई सम्बोधन हुने गरी सुझाव सङ्कलन गरेर विधान संशोधनका लागि प्रस्ताव गरिनेछ । आगामी फागुन ६ देखि ९ गते काठमाडौँमा एकीकृत पार्टीको महाधिवेशन हुने छ ।