सुटिङका क्रममा रजनीकान्त घाइते

एजेन्सी, १९ मंसिर । दक्षिण भारतीय चलचित्रका सुपरस्टार रजनीकान्त फिल्म २.० को सुटिङको क्रममा घाइते भएका छन् । फिल्मको एक फाइट सिनको लागि सट दिइरहेको बेला उनलाइ चोट लागेको हो । फिल्मको प्रोडक्सन हाउसले दिएको जानकारी अनुसार उनलाई चोट लाग्नासाथ केलम्पकम प्राइभेट हस्पिटलमा भर्ना गरिएको थियो ।
भारतिय सञ्चार माध्यमले उल्लेख गरे अनुसार यो घटना हिजो राति ८ र ९ बजेको बिचमा भएको हो । हस्पिटलका एक अधिकारीका अनुसार उनको खुट्टमा चोट लागेको थियो । आधा घन्टाको उपचार पछि उनलाई डिस्चार्ज गरिएको छ ।
यो फिल्म रोबोर्टको सिक्वेल हो जसको बजेट करिव ४०० करोड भारु रहेको जनाइएको छ । उक्त फिल्ममा पहिलोपटक उनको साथमा बलिउडका अभिनेता अक्षय कुमार काम गर्दै छन् ।