लिभरपुल र हल सिटी पुल इएफएल कपको सेमिफाइनलमा प्रवेश

एजेन्सी, १५ मंसिर । लिड्स युनाइटेडलाई पराजित गर्दै लिभरपुल इएफएल कप फुटबलको सेमिफाइनलमा प्रवेश गरेको छ । गएराति भएको खेलमा च्याम्पियनसिप क्लब युनाइटेडलाई २–० ले हराएर लिभरपुलले अन्तिम चारमा स्थान बनाएको हो ।
एनफिल्डमा भएको खेलमा लिभरपुललाई जिताउन डिभोक ओरिजी र बेन वुडबर्नले गोल गरे । पहिलो हाफमा गोलरहित बराबरी भएको खेलमा ७६ औं मिनेटमा ओरिजीले गोल गर्दै लिभरपुललाई सुरुवाति अग्रता दिलाए । ८१ औं मिनेटमा वुडबर्नले गोल गरेपछि लिभरपुल २–० ले विजयी भयो । वुडबर्न लिभरपुलबाट सबैभन्दा कम उमेरमा गोल गर्ने खेलाडी बनेका छ ।
लिड्स युनाइटेडविरूद्धको खेलमा किशोर खेलाडी वुडबर्नले रेड डेभिल्सका लागि कम उमेरमा गोल गर्ने ओवेनको कीर्तिमानलाई भंग गरेका हुन् ।
वुडवर्ग गोल गर्दा १७ वर्ष ४५ दिनका थिए । उनले ९८ दिनले ओवेनको कीर्तिमान भंग गरेका हुन् ।
यस्तै गएराति नै भएको खेलमा न्युक्यासललाई टाइब्रेकरमा ३–१ ले हराएर हल सिटी पनि अन्तिम चारमा पुगेको छ । निर्धारित समयको खेलमा गोल रहित बराबरी भएपनि थप गरिएको समयमा दुवै तर्फबाट एक एक गोल भयो । त्यसपछि भएको टाइब्रेकरमा न्युक्यासलले तीन वटा पेनाल्टीमा गोल गर्न सकेन र हल सिटी विजयी भयो । हल सिटी पहिलो पटक इएफएल कपको अन्तिम चारमा पुगेको हो ।