ट्रिपरको ठक्करबाट एक महिलाको मृत्यु

जनकपुर, मंसिर १३ । जनकपुरको भ्रमरपुराचोकमा आज बिहान ट्रिपरको ठक्करबाट एक जनाको मृत्यु भएको छ । ज ६ प ९३२८ नम्बरको मोटरसाइकललाई भारतीय नम्बरको बालुवा बोकेको ट्रिपरले ठक्कर दिएको हो ।
ट्रिपरको ठक्करबाट जनकपुर उपमहानगरपालिका–८ की प्रतिभा झाको मृत्यु भएको प्रहरीले जनाएको छ । ट्रिपरको ठक्करबाट मोटरसाइकल चालक सत्रुधन यादव घाइते भएका छन् ।
दुर्घटनापछि आक्रोशित गाउँलेले भ्रमरपुराचोकमा टायरबालेर प्रदर्शन गर्दै केही बेर यातायात बन्द गएका थिए । ठक्कर दिने ट्रिपर र चालकलाई जिरोमाइल प्रहरीचौकीले पक्राउ गरेको छ । प्रतिभा झाको शव पोष्टमार्टमका लागि जनकपुर अञ्चल अस्पतालमा राखिएको छ ।