ललितपुरमा जुवा खेल्दा खेल्दै ९ जना पकाउ

ललितपुर, १२ मंसिर । ललितपुरमा अवैध जुवा खेलिरहेका ९ जनालाई प्रहरीले पक्राउ गरेको छ । ललितपुर उपमहानगरपालिका–४ प्रटिपाचोक स्थित शिव कार्कीको घरमा जुवातास खेलिरहेका कार्की सहित ९ जनालाई पक्राउ गरेको प्रहरीले जनाएको छ ।
जुवा खेलिरहेको खालबाट प्रहरी प्रभाग सानेपाबाट खटिएको प्रहरी टोलीले उनीहरुबाट नगद २ लाख ९१ हजार रुपैया, ३ वुक तास, १६ थान कौडा, ३ थान पासा, १६ थान पासाको गोटी समेत बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।