साताको पहिलो दिन बढ्यो सुनचाँदी

काठमाडौं, १२ मंसिर । आज साताको पहिलो दिन सुनचाँदीको मूल्य बढेको छ । केही दिनदेखि सुनचाँदीको मूल्य ओर्लिँदै आएकोमा आज सुन प्रतितोला ३ सय र चाँदी १० रुपैयाँले बढेको हो ।
गत शुक्रबार प्रतितोलाको ५४ हजार २ सय रुपैयाँमा कारोबार भएको सुन आज ३ सय रुपैयाँले बढेर ५४ हजार ५ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै चाँदीमा पनि १० रुपैयाँले बढेर आज ७ सय ८५ रुपैयाँमा कारोबार भएको छ ।