तीन चलचित्र प्रर्दशनमा

काठमाडौं, १० मंसिर । रामबाबु गुरुङको निर्देशनमा तयार भएको चलचित्र पुरानो डुङ्गा आजबाट प्रर्दशन भएको छ । पुरानो डुङ्गामा दयाहाङ राई र प्रियंका कार्की मुख्य भूमिकामा छन् भने मेनका प्रधान, माओत्से गुरुङलगायतका कलाकारले अभिनय गरेको यो चलचित्रको ‘नीर जहिले रिसाउने’ बोलको गीत निकै चर्चामा छ ।

आजदेखि नै अर्को नेपाली चलचित्र मेन्टल पनि प्रर्दशन भएको छ । जिएसएम मिडिया क्याम्पको ब्यानरमा सुधन धितालको चलचित्र मेण्टलमा प्रथम खड्का, पूजा भट्ट, सुरबिर पण्डित, रस्मि भट्ट, निर्माता सुधन धिताल, बसन्त वर्मा, ज्योति रसाईंलीलगायतका कलाकारहरुले अभिनय गरेका छन् ।

आजैबाट बलिउड चलचित्र डीयर जिन्दगी पनि प्रर्दशन भएको छ । आलिया भट्टको मुख्य भूमिका रहेको यो चलचित्रमा नायक साहरुख खान विशेष भूमिकामा छन् । गौरी सिन्धेको निर्देशनमा तयार भएको यो चलचित्रले समिक्षा निकै राम्रो पाएको छ ।