नायिका उषाले कसिन् नायक सुधाशुसँग लगनगाँठो

काठमाडौं, १० मंसिर । अमेरिकामा रहेकी नायिका उषा पौडेलले नायक सुधांशु जोशीसँग बिबाह गरेकी छिन् । हिन्दु परम्परा अनुसार हिजो अमेरिकाको बाल्टिमोरमा उनीहरुको विवाह भएको हो ।
उनीहरूको बिबाहमा नायिका ऋचा घिमिरे परिवार, झरना थापा दम्पत्ती, अरुणिमा लम्साल, पूजा चन्दलगायतको उपस्थित रहेको थियो ।
महाकवि लक्ष्मी प्रसाद देवकोटाको कृति मुना मदनबाट मुना बनेर नेपाली रजतपटमा डेब्यू गरेकी उषाले केही भारतिय टिभी श्रृखंलामा पनि काम गरेकी थिइन् । नेपाली फिल्ममा उल्लेखनिय प्रगती नभएपछि मुम्बई हानिएकी उनी केही समयदेखि अमेरिका बस्दै आएकी छन् ।
उषाका पति सुधाशु जोशी पनि केही नेपाली फिल्ममा अभिनय गरेपछि अमेरिका गएका थिए । उनले ऐतिहासिक फिल्म सिमारेखामा मुख्य अभिनेता थिए ।