ट्रयाक्टरको ठक्करबाट एक जनाको मृत्यु

बिराटनगर, मंसिर १० । मोरङमा विराटनगर–५ मा ट्रयाक्टरको ठक्करबाट एक जनाको मृत्यु भएको छ । विराटनगर–५ को भित्री सडकखण्डमा को १ त ४१७ नम्बरको ट्रयाक्टरको ठक्करबाट पैदलयात्री सुनसरी सीतापुर–३ का ३० वर्षका फारुक मियाको मृत्यु भएको हो ।
ट्रयाक्टरको ठक्करबाट गम्भीर घाइते भएका मियाको नोबेल अस्पताल विराटनगरमा उपचारको क्रममा गएराति मृत्यु भएको जिल्ला प्रहरी कार्यालय मोरङले जनाएको छ ।