चलचित्रमा फर्कने स्वेता

काठमाडौं, ९ मंसिर । करिब २ बर्षपछि नायिका स्वेता खड्का अभिनयमा फर्कने भएकी छिन् । नायिका खड्काले नेपाः मुभिजबाट नयाँ चलचित्र निर्माण गर्ने तयारीमा लागेकी छिन्, जसलाई निर्देशक आकाश अधिकारीले नै निर्देशन गर्दैछन् । उनले कोहिनुर निर्देशन गरेका थिए ।
यो चलचित्रका लागि नायिका खड्काले नायक दयाहाङ राइसँग कुरा गरिसकेकी छिन् । दयाहाङ अहिले बेलायतमा चलचित्र ‘ह्याप्पी डेज’को छायांकनमा व्यस्त छन् । दयासँग स्वेताले एक चरणको कुरा गरिसकेकी छिन् । लभस्टोरी तथा कमेडी जनरामा निर्माण हुने यो चलचित्रबाट स्वेताले धमकेदार कमब्याक गर्ने सोच बनाएकी छिन् ।

चलचित्रको छायाँकन सुरु हुने समय आधिकारिक रुपमा पुष्टि नभएपनि चैत र वैशाखको समयमा सुटिङ हुने जनाईएको छ ।