८ सयले घट्यो सुन

काठमाडौं, ९ मंसिर । आज सुन प्रतितोलामा ८ सय रुपैयाँले घटेको छ । हिजो ५५ हजार ४ सय रुपैयाँले कारोबार भएको सुन आज प्रतितोला ८ रुपैयाँले घटेर ५४ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै चाँदीको भाउ पनि प्रतितोला ७ सय ७५ रुपैयाँमा कायम भएको छ । चाँदी अघिल्लो दिन ७ सय ९० रुपैयाँमा कारोबार भएको थियो ।
सुनको मूल्य ६ महिनायताकै सस्तो भएको छ । गत जेठ २१ गते प्रतितोला ५४ हजार ३ सय रुपैयाँमा कारोबार भएपछि सुनको मूल्य आजभन्दा बढी कायम हुँदै आएको थियो ।