कांग्रेसले पदाधिकारी बैठक बोलायो

काठमाडौं, ७ मंसिर । सत्तारुढ प्रमुख घटक नेपाली कांग्रेसले नयाँ राजनीतिक परिस्थितिबारे छलफल गर्न पार्टीको विशेष बैठक बोलाएको छ । प्रमुख दलको सहमतिमा मात्रै संविधान संशोधन गर्ने भनी गरेको प्रयास असफल भएपछि सरकारले एमालेको सहमतिबिना संशोधन प्रस्ताव अघि बढाउने तयारी गरेको छ । संबिधान संशोधनका लागि दलीय सहमति जुटाउने सरकारको प्रयास असफल भएपछि काँग्रेसले नयाँ परिस्थितिबारे छलफल गर्न मंगलबार पदाधिकारीको विशेष बैठक बोलाएको हो ।

साँझ पाँच बजे सिंहदरबारमा बस्ने बैठकमा संविधान संशोधनबारेमा पार्टीको धारणा तय गर्नेछ । पदाधिकारी बैठकमा पूर्व पदाधिकारीलाई समेत आमन्त्रण गरिएको छ । पदाधिकारी वैठकले अख्तियार दुरुपयोग अनुसन्धान आयागका निलम्बित प्रमुख लोकमानसिंह कार्कीबिरुद्धको महाभियोग प्रस्तावबारे पनि धारणा बनाउने बताइएको छ ।