मोटरसाइकलको ठक्करबाट पैदलयात्रीको मृत्यु

रुपन्देही, १ मंसिर । रुपन्देहीमा मोटरसाइकलको ठक्करबाट एकजना पैदलयात्रीको मृत्यु भएको छ । पूर्व–पश्चिम राजमार्ग अन्तरगत रुपन्देहीको सैनामैना–७ बुद्धनगरमा लु ११ प ९८९ नम्वरको मोटरसाइकलको ठक्करबाट पैदलयात्री रुपन्देही गढवाका ६० वर्षे इन्द्रबहादुर रेश्मीको मृत्यु भएको प्रहरीले जनाएको छ ।
ठक्करबाट गम्भीर घाइते भएका रेश्मीको उपचारको क्रममा भैरहवा मेडिकल कलेजमा मृत्यु भएको हो । ठक्कर दिने मोटरसाइकल र चालकलाई प्रहरीले नियन्त्रणमा लिएको छ ।