चिलीद्वारा उरुग्वे पराजित

काठमाडौं, १ मंसिर । विश्वकप छनौट फुटबलमा चिलीले उरुग्वेलाई पराजित गरेको छ । आज बिहान भएको खेलमा चिलीले उरुग्वेलाई ३–१ ले हराएको हो ।
खेलको १७ औं मिनेटमा उरुग्वेका लुइस स्वरेजको पासमा काभानीले गोल गरी अग्रता लिएको थियो । पहिलो हाफको अतिरिक्त समयमा भार्गासले चिलीका लागि बराबरी गोल फर्काए ।
६० औं मिनेटमा एलेक्स सान्चेजले गोल गर्दै चिलीलाई २–१ को अग्रता दिलाए । त्यस्तै ७६ औं मिनेटमा सान्चेजले व्यक्तिगत दोस्रो गोल गर्दै ३–१ को स्पष्ट जित दिलाए।