चलचित्र जात्रा आजबाट देशभर प्रदर्शन

काठमाडौँ, २६ कात्तिक । नेपाली चलचित्र जात्रा आजबाट देशभर प्रदर्शनमा आएको छ । लामो समय चर्चित हाँस्य अभिनेता जोडी मदनकृष्ण श्रेष्ठ तथा हरिवंशको सहायक भएर काम गरेका प्रदिप भट्टराई आजबाट रिलिज हुने फिल्म ’जात्रा’बाट निर्देशकीय डेब्यू गर्दे छन् ।
२ घण्टा २६ मिनेट लामो फिल्मको लेखन र निर्देशन प्रदीप भट्टराई रहेका छन् । यो फिल्मको कार्यकारी निर्माता रविन्द्रसिंह बानिया हुन् । फिल्ममा पशुपति प्रसादमा हनुमानको भूमिका निर्वाह गरेका रविन्द्रसिंह बानियाँ, विपिन कार्की र रविन्द्र झा, बर्षा राउत, प्रकाश घिमिरे, प्रवीण खतिवडा, कमलमणि नेपाल, भोलाराज सापकोटा, रविन्द्र झा, प्रेक्षा बज्राचार्य लगायतको मुख्य भूमिका यो फिल्ममा रहेको छ ।
असन बजारका ब्यापार गरेर बस्ने तीन ब्यापारीको जीवनमा पैसाले कसरी जात्रा हुन्छ यो फिल्मले सो कुरा देखाउन खोजेको छ ।