मकालु एयरको विमान दुर्घटना

काठमाडौं, २६ कार्तिक । मकालु एयरको विमान हुम्लाको सिमकोट विमानस्थलमा अवतरण गर्ने क्रममा दुर्घटनामा परेको छ । सुर्खेतबाट सामान लिएर गएको नाइन एन एजेजी कल साइनको विमान सिमकोट विमानस्थलमा अवतरणको क्रममा आज बिहान ८ बजे दुर्घटनामा परेको हो ।
दाहिने टायर पन्चर हुँदा भएको दुर्घटनाबाट विमानमा सामान्य क्षति पुगेको र मानवीय क्षति भने नभएको हुम्ला प्रहरीले जानकारी दिएको छ । कार्गो विमानमा चालक र सहचालक मात्रै थिए । दुवैजना सकुशल रहेका छन् ।