विप्लव माओवादीका दर्जन बढी नेता कार्यकर्ता पक्राउ

काठमाडाैं, २५ कात्तिक । महँगी, कालोबजारी भ्रष्टाचार र खाद्य सम्प्रभुताको ग्यारेन्टीको माग गर्दै आन्दोलित बनेको नेकपा (माओवादी)ले आज उपत्यका सहित मुलुकभर चक्काजाम गरेको छ ।
कार्तिक २८ गते आयोजना गरेको नेपाल बन्दको तयारी स्वरुप माओवादीले आज बिहान ९ बजेदेखि १० बजेसम्म एक घण्टा चक्काजाम गरेको थियो ।
चक्काजामका क्रममा देशभरबाट माओवादीका दर्जन बढी नेता कार्यकर्तालाई प्रहरीले गिरफ्तार गरेको छ ।
प्रहरीले काठमाडौं, ललितपुर, चितवन, पोखरा, गुल्मी, मकवानपुर, रुपेन्देही, झापालगायतका जिल्लाहरुवाट माओवादीको दर्जनौ नेता÷कार्यकर्ताहरु पक्राउ गरेको बताईएको छ ।