यो हो फेसबुकको नयाँ फिचर

फेसबुकले नयाँ फिचर ल्याउने भएको छ। कम्पनीले साथीमाझ धेरै कुराकानी होस् भनेर ‘ह्वाट फ्रेन्ड्स आर टकिङ अबाउट’ भन्ने फिचर परीक्षण गरिरहेको छ। म्यासएबल नामको वेबसाइटले शुक्रबार एन्ड्रोइड संस्करणको फेसबुक मोबाइल एपमा यो फिचर पाएको बताइएको छ। यो फिचरअन्तर्गत प्रयोगकताएको न्यूज फिडको विशेष सेक्सनमा आफ्ना साथीका केही पोस्ट संकलन गर्नेछ।

त्यो विशेष सेक्सन फेसबुकको माथितर्फ हुनेछ। फेसबुकले प्रायः जसो प्रयोगकर्ताको सानो समूहमा आफ्ना नयाँ फिचर परीक्षण गर्छ। म्यासएबल वेबसाइटले यसबारे जानकारी लिन खोज्दा कम्पनीले तत्काल कुनै प्रतिक्रिया नदिएको बताइएको छ।