ललितपुर । ललितपुरको ग्वार्कोमा बस, जीप र दुई वटा मोटरसाइकल एक आपसमा एक आपसमा ठोक्किँदा तीन जना घाइते भएका छन् । बुधबार दिउँसो बालकुमारीबाट सातोबाटोतर्फ जाँदै गरेको बा ५ ख ७६४६ नम्बरको बसको ब्रेक फेल भएपछि ग्वार्को चोकमा दुर्घटना भएको हो।
बसले बा २१ च ७४६८ नम्बरको पिकअप भ्यानलाई पछाडिबाट ठक्कर दिएको थियो। बसले भ्यानलाई ठक्कर दिएपछि त्यसले अगाडिका दुइटा बा ३७ प ६१४१ र बा ५२ प ८१६८ नम्बरको दुइटा मोटरसाइकललाई ठक्कर दिएको थियो ।
दुर्घटनामा घाइते भएका तीन जनाको अवस्था सामान्य रहेको समेत भएको महानगरीय ट्राफिक प्रहरी परिसर, ललितपुरका इन्स्पेक्टर भोलामान सिंहले जानकारी दिए । घाइते हुने तीनै जना मोटरसाइकलमा सवार थिए। घाइते हुनेहरू राजु तामाङ, उदय तामाङ र उनका छोरा हिमाल तामाङ छन्।
उनीहरूको ग्लोबल अस्पतालमा उपचार भइरहेको छ। दुर्घटनामा परेका चारै वटा सवारीसाधन प्रहरीको नियन्त्रणमा छ भने बसका चालकलाई पनि प्रहरीले नियन्त्रणमा लिएको छ।
प्रकाशित मितिः २०७७ कार्तिक २६ बुधबार
Comments