काठमाडौं । भारतमा पछिल्लो २४ घण्टामा थप ११ हजारभन्दा बढी मानिस कोरोनाभाइरसबाट सङ्क्रमित भएका छन् । सरकारी अधिकारीले बिहीबार विहान दिएको जानकारीअनुसार थप ११ हजार ४५१ सङ्क्रमित नयाँ भएका हुन् ।
सोही अवधिमा भारतमा देशभरी कुल २६६ जनाको कोरोनाभाइरसका कारण मृत्यु भएको पनि केन्द्रीय स्वास्थ्य मन्त्रालयले जनाएको छ । भारतमा अहिले पनि सङ्क्रमित अवस्थामै रहेकाको कुल सङ्ख्या एक लाख ४२ हजार ८२६ रहेको छ । तीमध्ये १३ हजार २०४ जना पछिल्लो एक दिनमा सङ्क्रमणमुक्त भएका हुन् ।
दैनिक नयाँ सङ्क्रमितको सङ्ख्याभन्दा सङ्क्रमणमुक्त भएकाको सङ्ख्या धेरै भएकाले सङ्क्रमित अवस्थामै रहेकाको सङ्ख्या भने दिनप्रति दिन घट्दै गइरहेको छ ।
भारतमा अहिलेसम्म सङ्क्रमणमुक्त भइसकेकाको कुल सङ्ख्या ३ करोड ४३ लाख ६६ हजार ६ सय १४ पुगेको मन्त्रालयले जनाएको छ ।त्यसैगरी भारतमा कोरोनाभाइरसबाट सङ्क्रमित भएकै कारणले अहिलेसम्म ४ लाख ६१ हजार ४३ मृत्यु भएको छ । भारतमा हालसम्म कोरोनासंक्रमणबाट मुक्त हुनेको संख्या ३ करोड ३७ लाख ५३ हजार ४ सय ८८ पुगेको छ ।
प्रकाशित मितिः २०७८ कार्तिक २२ सोमबार
Comments