काठमाडौं । अमेरिकाले हरेक वर्ष हजारौँलाई डाइभर्सिटी भिसा चिट्ठा अन्तर्गत विभिन्न मुलुकका नागरिकलाई आफ्नो मुलुकमा भित्र्याउँदै आएको छ । यो तीन दशकअघिबाट गर्दै आएको हो । नेपालीसहित विश्वका विभिन्न मुलुकका नागरिकले अमेरिका जानका लागि हरेक वर्ष ठूलो सङ्ख्यामा अनलाइनबाट डाइभर्सिटी भिसा अर्थात् डिभी चिट्ठा भर्दै आएका छन् ।
यसवर्षको रिजल्ट शनिबार राति सार्वजनिक भएको छ । अमेरिकाले आफ्नो मुलुकमा विश्वका विभिन्न मुलुकका मानिसलाई भित्र्याउनका लागि डिभी चिट्ठा कार्यक्रम ल्याएको हो ।आफ्नो देशको जनसङ्ख्यालाई अझ विविध तुल्याउनका सन् १९९१ म तत्कालीन राष्ट्रपति जर्ज एचडब्ल्यू बुशले डिभी कार्यक्रम थालेका थिए । त्यसयता हरेक वर्ष यो कार्यक्रम जारी छ ।
यसको अर्थ पछिल्ला ५ वर्षमा ५० हजारभन्दा कम मानिसहरू जुन देशबाट अमेरिका आउँछन् त्यो देशका लागि मात्र यो कार्यक्रम उपलब्ध छ । अमेरिकामा धेरै आप्रवासन दर भएका अन्य मुलुकका लागि डिभी चिट्ठा कार्यक्रम उपलब्ध छैन । उनीहरूले अमेरिका जान अरू नै माध्यम प्रयोग गर्नुपर्छ ।
डिभी पर्दैमा अमेरिकाको भिसा पाइहालिन्छ ? जान्नुहोस् नियम
आज अमेरिकी इलेक्ट्रोनिक्स डाइभर्सिटी भिसा (डिभी) को नतिजा आएको छ । कतिपयलाई यो चिट्ठा पर्याे पनि होला । फर्म भर्ने धेरै जना हुने भएकाले पर्नेहरू भने ज्यादै न्यून हुने गर्छन् ।
आफ्नो कन्फरमेसन नम्बर dvprogram.state.gov/ESC मा गई नतिजा हेर्न सकिन्छ । डिभी परेकाहरू खुसी साटासाट पनि गरिरहेका हुन सक्छन् । नपरेकाहरू दुखी भएका हुन सक्छन् । तर, आज डिभी परेका सबै जना अमेरिका जान पाउँछन् त ?
तर, अहिले डिभीको लागि छनोट हुँदैमा इमेल आउँदैन । उनीहरूले पहिलो चरणको लिस्ट मात्र सार्वजनिक गर्ने हुन् । यसैले डिभीका लागि छानिँदैमा सबैले भिसा पाइहाल्दैनन् ।
के हो डिभी ? कस्तालाई पर्छ ? अमेरिकाले किन हेर्छ आवेदकको पृष्ठभूमि ?
यसको लागि केही महिनापछि इमेल आउँछ, तर सबैलाई होइन । यसरी मेल आयो भने पनि अमेरिका जान पाइँदैन । भिसाका लागि अन्तर्वार्ता दिने मौका पाउनुपर्छ । यसको यसको लागि डिभी पर्ने नेपालस्थित अमेरिकी दूतावासका कन्सुलरले आवश्यक योग्यता भए नभएको कुरा हेर्छन् ।
साथै, अमेरिकी आप्रवासी कानुनबमोजिम डिभीका लागि आवेदक योग्य छ कि छैन भन्ने कुरा पक्का गर्छन् । यदि, तपाई कागजात हेर्दा योग्य हुनुभयो र अन्तरवार्तामा पनि पास हुनुभयो भने मात्र अमेरिकाको भिसा पाउनुहुन्छ ।
के हो डिभी ? कसलाई पर्छ ?
खासमा अमेरिकातर्फ कम आप्रवासन दर अर्थात् अमेरिका बसाइँ सरेर धेरै मानिस जान नसक्ने मुलुकका नागरिकलाई अमेरिका भित्र्याउनका लागि डिभी कार्यक्रमको शुरुआत गरिएको हो ।
यसअनुसार हरेक वर्ष विभिन्न मुलुकका करोडौँ मानिसमध्यबाट करिब १ लाख आवेदकलाई छान्ने गरिन्छ । यसमध्ये आधा ५० हजारलाई ग्रीनकार्ड दिइने प्रावधान छ । डिभी चिट्ठा धेरैले भर्ने भएकाले पर्ने सम्भावना ज्यादै न्यून हुन्छ ।
हरेक वर्ष अमेरिकाले डिभी चिट्ठा भर्ने अनलाइन फाराम खुला गर्छ । यसअनुसार हरेक वर्ष २ करोडभन्दा बढीले अनलाइन फाराम भर्ने गर्छन् । यसमा अफ्रिकी तथा एसियालीहरूको धेरै ठूलो सहभागिता रहने बताइन्छ ।
अमेरिकाले हेर्छ आपराधिक रेकर्ड
यदि, डिभी चिट्ठा परेको भए आप्रवासन भिसाको औपचारिक आवेदन दिनुपर्ने प्रावधान छ । यससँगै आफ्नो शैक्षिक योग्यता र अन्य आवश्यक दस्ताबेजहरू पेस गर्नुपर्छ । दस्ताबेज नेपाली वा अरू कुनै भाषामा भए त्यसको अङ्ग्रेजी प्रति पनि पेस गर्नुपर्छ ।
त्यसपछि अमेरिकी अध्यागमन निकायले आवेदकको पृष्ठभूमि अध्ययन गर्छन् । आवेदकको आपराधिक रेकर्ड, विवरण सही भए\नभएको जाँच, मेडिकल जाँचलगायतको अध्ययन गरिसकेपछि अन्तरवार्ताको प्रक्रिया सुरु हुन्छ ।
तर, आवेदकको सबै विवरण सही भए पनि अन्तरवार्ताका लागि छनोट नहुन सक्छन् । डिभी परेका सबैलाई भने अमेरिकाले भिसा दिँदैन । अमेरिकाले डिभी परेका करिब ४० प्रतिशतलाई मात्रै भिसा दिने गरेको बताइन्छ ।
छनौट भई अन्तरवार्ता सफल भएमा आवेदकको अमेरिका यात्राका लागि बाटो खुला हुन्छ । त्यसपछि मात्रै आप्रवासन भिसा दिइन्छ । यद्यपि अन्तरवार्तामा सफल भएका सबैले भिसा पाउँदैनन् । तर, भिसा पाएपछि अमेरिका जान पाइन्छ ।
प्रकाशित मितिः २०८१ बैशाख २४ सोमबार
Comments