काठमाडौं । बलिउड अभिनेता जोन अब्राहमको मुख्य अभिनय रहेको चलचित्र ‘बाटला हाउस’ले बक्स अफिसमा राम्रो सुरुवात गरेको छ।
भारतीय स्वतन्त्रता दिवसको दिन बिहीबारदेखि प्रर्दशनमा आएको चलचित्रले पहिलो दिन १४.५९ करोडको व्यापार गरेको बलिउड व्यापार विश्लेषक तरण आदर्शले ट्वीट गरेर जानकारी दिएका छन्। अक्षय कुमारको ‘मिसन मंगल’ पनि बिहीबारदेखि नै प्रदर्शनमा आएको हुँदा व्यापारमा केही असर परेको छ। यद्यपी समिक्षकहरुले चलचित्रको तारिफ गरेका छन्।
‘बाटला हाउस’ जोन अब्राहमको हालसम्मको सबै भन्दा राम्रो ओपनिङ गर्ने चलचित्र बनेको छ। निखिल आडवाणीको निर्देशन तथा जोन अब्राहम र मृणाल ठाकुरको मुख्य अभिनय रहेको चलिचत्र सन् २००८ मा दिल्लीको जामिया नगर इलाकामा भएको बाटला हाउस इन्काउण्टरको कथामा आधारित छ। एजेन्सी
प्रकाशित मितिः २०७६ साउन ३१ शुक्रबार
Comments