काठमाडौं । दैनिक कम्तीमा आधा घण्टा दौडिनु स्वास्थ्यका लागि एकदमै फाइदाजनक हुन्छ । यसले कैयौं प्रकारको स्वास्थ्य समस्याहरूबाट छुट्कारा पाउन सकिन्छ । दौडिने गरेमा स्वासप्रस्वासको प्रक्रियामा पनि एकदमै राम्रो असर हुन्छ । यसले तपाईंको फोक्सोलाई एकदमै फाइदा पुग्दछ । जसबारे जान्न एकदमै जरुरी छ ।
दैनिक दौडिँदा स्वासनली बलियो हुन्छ जसले गर्दा अक्सिजन लिन र स्वासलाई रोक्न सक्ने अवधि बढ्दै जान्छ । दौडिँदा स्वासप्रस्वासको प्रक्रिया बढ्ने भएकाले अक्सिजन लिन सक्ने क्षमतामा पनि वृद्धि हुन्छ ।
दैनिक बिहान दौडिने गर्दा फोक्सोको कार्यक्षमता राम्रो हुँदै जान्छ । यसले शारीरिक तथा मानसिक उत्तेजना बढ्छ जो स्वास्थ्यका लागि एकदमै फाइदाजनक हुन्छ । नियमित दौडनु मुटुका लागि पनि राम्रो मानिन्छ । यसले मुटुसम्बन्धी हुने समस्याहरूको खतरा कम गर्दछ । दौडिँदा फोक्सोको कार्यक्षमता बढ्छ जसले गर्दा मुटुले पनि राम्रोसँग कार्य गर्दछ । यसरी शरीरमा रक्तसञ्चार पनि राम्रोसँग हुन्छ ।
बढ्दै गरेको तौलबाट समस्यामा हुनुहुन्छ भने पनि तौल कम गर्न दौडिनु फाइदाजनक हुन्छ । दौडिँदा तौल कम हुनुका साथै शरीर कसिलो र बलियो पनि हुन्छ । साथै शरीरको मेटाबोलिज्म बलियो हुन्छ।
यदि, अनिद्राको समस्या छ भने पनि बिहानमा दौडिने गर्नुहोस् । यसले तपाईं दिनभर क्रियाशिल रहनुहुनेछ र साथमा रातमा निद्रा पनि राम्रोसँग लाग्छ ।
प्रकाशित मितिः २०८० जेठ १६ मंगलबार
Comments