काठमाडौं । इंग्ल्यान्डको लिग वान क्लब सन्डरल्याण्डका डिफेन्डर लुक ओनिनले मैदान मै कुटाई खाएका छन् । बिहिबार राति पोर्ट्समाउथविरुद्ध भएको सेमिफाइनलको दोस्रो लेग खेल दौरान डिफेन्डर ओनिनलाई घरेलु समर्थकले कुटेका हुन् ।
सन्डरल्याण्डका खेलाडी ली काटरमोलेले डिफेन्डर ओनिनलाई बल खोस्ने क्रममा मैदानको होर्डिङ बोर्डबाहिर पुग्दा एक समर्थकले कुटेको बताए । तर, डिफेन्डर ओनिनले यस घटना ठुलो नरहेको बताए । यसलाई धेरै ठुलो सोचेको छैन, खेलपछि उनले भने, यो एक घटना हो र यो निकै हास्यास्पद थियो ।
तेस्रो डिभिजनको लिग अन्तर्गत दोस्रो लेगमा सन्डरल्याण्डले पोर्ट्समाउथविरुद्ध गोलरहित बराबरी खेलेको थियो । तर, पहिलो लेगमा निकालेको १-० को जितले सन्डरल्याण्ड प्ले अफको फाइनलमा पुग्न सफल भएको थियो । योसंगै सन्डरल्याण्डले च्याम्पियनसिपमा बढुवा हुने सम्भावना बलियो बनाएको छ । एजेन्सी
प्रकाशित मितिः २०७६ जेठ ३ शुक्रबार
Comments