काठमाडौं । इंग्लिस प्रिमियर लिग फुटबलमा आर्सनलले एभर्टनलाई हराएको छ । गत राति आफ्नो घरेलु मैदानमा भएको खेलमा आर्सनलले पाहुना टोली एभर्टनलाई २–० ले हरायो । पहिलो हाफ गोलरहित बराबरीमा सकिएको खेलमा आर्सनलले दुवै गोल दोस्रो हाफमा गरेको थियो । जसमा ५६औं मिनेटमा एलेक्सान्ड्रे ल्याकेजिटले गोल गरेका थिए भने त्यसको ३ मिनेटपछि अबुमेयाङले दोस्रो गोल गरेका थिए ।
त्यसपछि बाँकी समयमा दुवै टोलीबाट गोल नभएपछि आर्सनलले घरेलु टोलीमा २–० को सहज जित निकाल्यो । यो जितसँगै आर्सनले ६ खेलबाट १२ अंक जोड्दै अंक तालिकाको छैटौं स्थानमा रहेको छ । उसले ६ खेलमध्ये ४ खेल जितेको छ भने २ खेल हारेको छ । एजेन्सी
प्रकाशित मितिः २०७५ असोज ८ सोमबार
Comments