काठमाडौं । इन्डियन प्रिमियर लिग (आईपीएल) को १५औं संस्करणका लागि राजस्थान रोयल्सले लासिथ मालिंगालाई फास्ट बलिङ प्रशिक्षक नियुक्त गरेको छ ।
सन् २०२१ मा सन्यास लिएका मालिंगा आईपीएलको सर्वाधिक विकेट लिने खेलाडी हुन् । उनले मुम्बई इन्डियन्सका लागि ९ सिजन खेल्दै १७० विकेट लिएका छन् । साथै सन् २०१८ मा मालिंगाले मुम्बईको बलिङ मेन्टरको भूमिका निभाएका थिए ।
यसै वर्षको सुरुमा अष्ट्रेलिया विरुद्धको टी-२० श्रृंखलाका लागि मालिंगा बलिङ रणनीति प्रशिक्षक नियुक्त भएका थिए । मालिंगाले आईपीएलमा पर्कन पाउँदा खुशी लागेको बताएका छन् ।
यस्तै राजस्थानले ‘टिम क्याटालिस्ट’ को रुपमा प्याड्डी अप्टनलाई नियुक्त गरेको छ । अप्टनले सन् २०१३ देखि २०१५ सम्म र २०१९ मा राजस्थानको प्रशिक्षकको रुपमा काम गरेका थिए ।
टिम क्याटालिस्टको रुपमा अप्टनको काम सबैलाई एकजुट बनाउने र बायो बबलमा रहँदा सबैको मानसिक अवस्थाको बारेमा हेर्ने रहेको राजस्थानले विज्ञप्तिमा जनाएको छ ।
राजस्थानका मुख्य प्रशिक्षक र क्रिकेट डिरेक्टरको रुपमा रहेका कुमार सांगाकारले मालिंगा र अप्टन दुवै उत्कृष्ट रहेको बताएका छन् । एजेन्सी
प्रकाशित मितिः २०७८ फागुन २७ शुक्रबार
Comments