काठमाडौं । विभागीय नेपाल एपिएफ फुटबल क्लब २० औं संस्करणको आहा रारा गोल्डकपको च्याम्पियन बनेको छ । शनिबार पोखरा रंगशालामा मनाङ मर्स्याङ्दी क्लबलाई टाईब्रेकरमा ५–४ ले पराजित गर्दै एपीएफले पहिलो पटक आहा रारा गोल्डकपको च्याम्पियन बनेको हो ।
निर्धारित र अतिरिक्त समयको खेल २–२ गोलको बराबरीमा सकिएपछि निर्णय टाईब्रेकरका आधारमा गरिएको थियो । जसमा एपीएफले बाजी मार्यो । त्यसअघि निर्धारित समयमा एपिएफका युवराज खड्का र रवि थिङले तथा मनाङका दयानन्द सिंह र फ्रान्कलिन कोटे टालाले गोल गरे ।
टाईब्रेकरमा एपीएफका नविन लामा, सनिस श्रेष्ठ, रवि थिङ, मणी लामा, अर्मान्ड बिडोमले गोल गरे । यस्तै, मनाङको तर्फबाट फ्रेङ्कलिन टाला, दयानन्द सिंह, शिव गुरुङ, रुपेश केसीले गोल गरेका थिए भने ओलावाले अफिज असफल भएका थिए ।
उनको प्रहारलाई एपीएफका कोरियन गोलकिपर युया कोरियामाले रोकेका थिए । उपाधिसँगै एपिएफले १० लाख १ हजार रुपैया हात पारेको छ । दोस्रो भएको मनाङले ५ लाख १ हजार रुपैयाँ हात पारेको छ ।
प्रकाशित मितिः २०७८ माघ १६ आइतबार
Comments