भक्तपुर । साकुरा बहुउद्देश्यीय सहकारी संस्था लि, सूर्यविनायकको तेस्रो साधारण सभा सम्पन्न भएको छ ।
तेस्रो साधारण सभाको उद्घाटन् गर्दै सूर्यबिनायक नगरपालिकाका प्रमुख बासुदेव थापाले सहकारीको माध्यमबाट आर्थिक रुपमान्तरणमा सूर्यबिनायक नगरपालिका भित्र सञ्चालनमा रहेको सहकारीले ठूलो योगदान पुर्याउन सक्ने बताए ।
आफ्नो नगरका बारे जसरी भ्रष्टाचारको बिषय बाहिर आएको छ, त्यसमा सत्यता नभएको र गलत काम गर्ने हरेकलाई कानुनी प्रक्रिया अनुसार कारवाहीको भागि बनाउने समेत उनले बताए ।
उनले सूर्यबिनायक नगरपालिकाको आठ वडामा सञ्चालनमा रहेको साकुराले सामाजिक सदभावमा समेत भूमिका निर्वाह गरेको बताए ।
कार्यक्रममा सूर्यबिनायक नगरपालिका वडा नं ८ का वडा अध्यक्ष किरण थापाले सामान्य बचत गरि जीवनको आर्थिक पाटोलाई सबल बनाउने काममा साकुराको भूमिका अझ मजबुद पार्दै लैजानु पर्नेमा जोड दिए ।
कार्यक्रममा विभिन्न अथितिहरुले साकुराले आर्थिक रुपान्तरणमा महत्वपूर्ण भूमिका खेल्दै आफ्नो साधारण सदस्यहरुको जीवनमा योगदान दिन सक्ने बताए ।
कार्यक्रमको अध्यक्षता संस्थाका अध्यक्ष राजेन्द्र कुमार मिश्रले गरेको थिए ।
प्रकाशित मितिः २०७५ मंसिर १५ शनिबार
Comments