काठमाडौं । उपराष्ट्रपति चुनाव मतगणना सुरु भएको छ । संसद भवनकाे शंकर हलमा अहिले साढे ३ बजेपछि मतगाण्ना सुरु भएको हो । प्रदेश र संघीय संसदको फरक फरक स्थानमा मतगणना हुँदैछ । शुक्रबार बिहान १० बजे सुरु भएको मतदान अपराह्न ३ बजे सकिएको थियो । उपराष्ट्रपतिमा संघीय संसदका ३११ सांसद र प्रदेशका ५१८ सांसदले मतदान गरेका छन् ।
संघीय संसदका ३३१ जना सांसदमध्ये २० जना सांसदले मतदान गरेनन् । यस्तै सातवटै प्रदेशका ५५० सांसदमध्ये ३२ जना सांसदले मतदान गरेनन् । राष्ट्रिय प्रजातन्त्र पार्टीका सांसदले घोषित रुपमै चुनावमा भाग नलिँदा ठूलो संख्यामा मत नखसेको हो ।
संघीय सांसदको मतभार ७९ र प्रदेश सांसदको मतभार ४८ कायम गरिएको छ । उपराष्ट्रपतिमा रामसहायप्रसाद यादव, ममता झा र अष्टलक्ष्मी शाक्य उम्मेदवार छन् ।
प्रकाशित मितिः २०७९ चैत्र ०३ शुक्रबार
Comments