मास्क र फेस सिल्डसहित प्रियङ्का काममा फिर्ता

0

काठमाडौं । केही समयदेखि आफ्ना पति निक जोनससँग समय बिताइरहेकी प्रियङ्का चोपडा काममा फिर्ता भएकी छिन्। बिदाका दिन काम गर्न लागेको जनाउँदै उनले आफ्नो फोटो सामाजिक सञ्जालमा फोटो सेयर गरेकी हुन्।

तस्वीरमा उनले फेस मास्क र फेस सिल्ड लगाएको देख्न सकिन्छ। इन्स्टाग्रामको स्टोरीमा उनले एकाबिहानै बिदामा काम गर्ने जनाएका हुन्। तस्वीरमा प्रियङ्काले लगाएको पोल्का डटसहितको फेस मास्कले सबैको ध्यान आकृष्ट गरेको छ।

केहीअघि ट्वीटरमार्फत् प्रियङ्काले आफू ब्रिटिस फेसन काउन्सिको सकारात्मक परिवर्तन दूत भएको जनाएका छन्। उनले लेखेका छन्, “अर्को वर्षसम्म लन्डनमा काम गर्दा ब्रिटिस फेसन काउन्सिलको सकारात्मक परिवर्तन दूत भएकोमा म सम्मानित महशुस गर्छु। हामीसँग केही नयाँ अभियान चाँडै नै हुनेछ र म यस यात्राका लागि उत्साहित छु।”

हाल उनी जर्मनीमा म्याट्रिक्स ४ का लागि सुटिङमा व्यस्त छन्। यसबाहेक उनी अन्य प्रोजेक्टमा पनि संलग्न छन्। एजेन्सी

प्रकाशित मितिः २०७७ मंसिर ०६ शनिबार

Comments

comments

Share.
Loading...

Comments