भक्तपुर, ११ माघ । भक्तपुरको सुर्यविनायकस्थित बाराहीस्थानमा रहेको महेन्द्र विद्या आश्रममा कक्षा ९ मा अध्ययनरत आयुष बस्नेतलगायतका विद्यार्थीलाई आश्रमका प्रिसिन्पलले कुटपीट गरेका छन् ।
आज विहान विद्यालयमा समयमै उपस्थित नभएको भन्दै प्रिन्सिपल महेन्द्रप्रसाद मास्केले विद्यार्थी बस्नेतमाथि कुटपीट गरेका हुन् । कुटपीटपछि मास्केले विद्यार्थी बस्नेतलाई अध्ययनका लागी कक्षामा प्रवेश गर्न नदिई विद्यालयबाटै निकालेका थिए ।
प्रिन्सिपल मास्केले हातले दुई झापड हान्नुका साथै छातीमा दुई चोटी लातीले समेत हानेको र कक्षामा बस्न नदिएको पीडित विद्यार्थी बस्नेतले बताएका छन् ।
विद्यार्थी बस्नेतले उक्त कुरा आफना अभिभावकलाई बताएपछि बस्नेतका अभिभावकहरु विद्यालयमा गुनासो गर्न पुगेका थिए । गुनासो पोख्न पुगेका अभिभावकलाई समेत प्रिन्सिपल मास्केले बढी बोले गुण्डा लगाएर ठिक पार्ने समेतको धम्की दिएका थिए ।
आज विहान बिद्यार्थी बस्नेतले आफूलाई मास्केले हातपात सहित लातीले छातीमा हानेको गुनासो गरिरहँदा पहिले होइन भनेर झुटा बोलिरहेका प्रिन्सिपल मास्केले अन्तत् विद्यार्थी र अभिभावकसँग आफूबाट गल्ती भएको भन्दै माफी मागेका छन् ।
आज विहान उक्त घटनापछि समाचार संकलनका लागी विद्यलायमा पुगेका भक्तपुरका सञ्चारकर्मीलाई समेत प्रिन्सिपल मास्केको निर्देशनमा भेटन दिइएको थिएन् । पटक पटकको आग्रह पछि भेटन दिएपनि विद्यालय प्रशासन र प्रिन्सिपल मास्केले सञ्चारकर्मीलाई अपमान गरेको भक्तपुरका सञ्चारकर्मीहरुले बताएका छन् ।
विद्यार्थीमाथि कुटपीट भएपछि आक्रोशित भएका अभिभावक र विद्यालयका प्रिन्सिपलबीच आइन्दा यसरी विद्यार्थीमाथि कुटपीट नगर्ने, विद्यालयलाई बालमैत्री बनाएर अघि बढ्नुपर्ने लगायतका कुरामा सहमति भएको छ ।
प्रिन्सिपलद्वारा विद्यार्थीमाथि कुटपीट : गुण्डा लगाएर अभिभावकलाई ठेगान लगाउने चेतावनी
0
Share.
Comments