भक्तपुर । नेपालीहरुको महान चाड दशैंको सुरुवातसँगै मासुको खपत अत्याधिक हुनु स्वभाबिक हो । अन्य समयमा भन्दा पर्वका समयमा मासुको खपत भक्तपुर साथै उपत्यकामै अधिक हुने गर्दछ । तर पर्वका समयमा बिक्रेताहरुले कस्तो मासु बिक्रि बितरण गरिरहेका छन् भन्ने अनुगमन नहुँदा र वधशालाको अभावले जस्तो पायो त्यस्तै मासु खरिद बिक्री हुँदै आएको छ ।
मासुमा मानव स्वास्थ्यको लागि अत्यन्तै आवश्यक प्रोटिन तत्व मध्येको एक हो । जानकारीका हिसाबले मासुले प्रशस्तै प्रोटिन प्रदान गर्दछ । यति धेरै प्रोटिन प्रदान गर्ने मासु तपाँईं हामीले खाइरहँदा त्यो कतिको खान योग्य छ वा छैन भन्ने अनुमान लगाउन गाह्रो हुन्छ । बजारबाट किनेर ल्याउने मासु स्वास्थ्यको दृष्टिकोणले अयोग्य भएको चिकित्सकहरू बताउँछन् ।
उपभोक्ताहरू मासु बजारको उचित व्यवस्थापन गर्न नसक्दा तोकेको मूल्यमा मासु खरिद गर्दा पनि ठगीन बाध्य बनेको बताउँछन् । उपत्यकामा नै वधशाला नहुँदा अस्वस्थ मासु खरिद बिक्री हुँदै आएको जानकारी दिन्छ, भक्तपुर पशु सेवा कार्यालय । पर्वका समयमा उपभोक्ताले स्वस्थकर मासु खरिदमा आफंै सजगता अपनाउनु पर्ने बिज्ञहरु बताउँछन् । भक्तपुर जिल्ला अन्य जिल्लाको तुलनामा मासु व्यवस्थापनमा अघिनै रहेतापनि वधशालाको अभावले सरसफाई तर्फ भने व्यवसायीले ध्यान दिन नसकेको स्वयं ब्यवसायीहरु स्विकार्छन् ।
बजारमा मासुको अवस्थालाई नियालेपछि डाक्टरहरू भन्छन्, उपभोक्ताहरुले अस्वस्थ मासुको प्रयोगले विभिन्न किसिमका रोगहरूलाई आमन्त्रण गरिरहेका हुन्छन् । पशु चिकित्सा निर्देशनालयका एक डा.भन्छन् अस्वस्थ मासुले पेट दुख्ने, पाचन शक्तिमा कमी ल्याउने, झाडा पखाला लाग्ने, आउँ पर्ने, हातखुट्टा गल्ने र अन्ततः मृत्युसम्म हुन सक्छ । बजारमा बिक्रीका लागि राख्ने मासु स्वच्छ नभएको भन्दै उनले पशु वध अघि र त्यसपछि परिक्षण गर्नुपर्ने, पशु वध गर्ने स्थानमा चौबिसै घन्टा अघिनै पशु लिएर आउनु पर्ने र पशुको वधपछि मासुको परिक्षण गरेर मात्र बजारमा बिक्री गर्नुपर्ने नियम भएतापनि सो नियम कसैले पालन नगरेको देखिन्छ ।
पर्वमा मासु खाँदा सजकता अपनाउँ
0
Share.
Comments