मोटरसाइकलको सिट भित्र लुकाई ल्याएको चाँदी सहित एक पक्राउ

मकवानपुर, ११ माघ । अवैध रुपमा मोटरसाइकलको सिट मुनी लुकाई ल्याएको ३ के.जी. चाँदी सहित प्रहरीले एक जनालाई पक्राउ गरेको छ । पक्राउ पर्नेमा बिरगंज उपमहानगरपालिका–११ बस्ने ३५ बर्षीय राजकिशोर गुप्ता रहेको प्रहरीले जनाएको छ ।
हेटौडा उपमहानगरपालिका–१७ स्थित रातमाटे चेक पोष्टमा बिरगंजबाट हेटौडातर्फ आइरहेको ना.१७ प ४६४५ नम्बरको मोटरसाइकलमा सवार रहेको अवस्थामा चेक गर्दा मोटरसाइकलको सिट भित्र लुकाई ल्याएको उक्त चाँदी बरामद भएको थियो ।