बान कि मुन भावी दक्षिण कोरियाली राष्ट्रपति !

एजेन्सी, ११ पुस । संयुक्त राष्ट्रसंघको महासचिववाट आगामी वर्षको सुरुवातदेखि विदा हुन लागेका बान कि मुन दक्षिण कोरियाली राष्ट्रपतीय निर्वाचनमा उम्मेदवारी दिने तयारीमा लागेका छन् ।
राष्ट्रसंघमा लगातार दुई पटक गरी दश वर्षसम्म महासचिव रहेका बानले दक्षिण कोरियाली राष्ट्र तथा राज्यप्रमुख पदमा सजिलै विजयी हुने अनुमान स्थानीय सर्वेक्षणहरुले देखाएका छन् ।
सोलको बहुचर्चित स्थानीय एक सर्वेक्षण संस्थाः रियल मिटरले गत १९ देखि २३ डिसेम्बरसम्म देशभरिका विभिन्न समुदायका दुईहजार पाँचसय २८ जना मतदाता माझ सञ्चालन गरेको एउटा सर्वेक्षणमा अधिकतम अर्थात् २३ दशमलव ३ प्रतिशत मत बानले पाएका छन् ।