४ सयले घट्यो सुन

काठमाडौं, २२ मंसिर । आज सुनको मूल्य तोलामा ४ सय रुपैयाँले घटेको छ । हिजो ५३ हजार ७ सय रुपैयाँ कारोबार भएको सुन आज ४ सय रुपैयाँले घटेर प्रतितोला ५३ हजार ३ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यो मूल्य २०७२ साल फागुनयताकै सस्तो हो ।
त्यस्तै, चाँदीको मूल्य भने ५ रुपैयाँले घटेको छ । हिजो प्रतितोला ७ सय ९० रुपैयाँमा कारोबार भएको चाँदी आज ५ रुपैयाँले घटेर ७ सय ८५ रुपैयाँमा कारोबार भएको महासंघले जनाएको छ ।