ओलीको चीन भ्रमण स्थगित

काठमाडौं, २२ मंसिर । नेकपा एमालेका अध्यक्ष केपी शर्मा ओलीले चीनमा हुने एक अन्तर्राष्ट्रिय सम्मेलनमा आफू भाग लिन जाने पूर्व निर्धारित कार्यक्रम स्थगित गरेका छन् । मुलुकमा विकसित राजनीतिक परिस्थितिका कारण उनले चीन जाने कार्यक्रम स्थगित गरेका हुन् । चीनको हेवाइ प्रान्तमा भोलिदेखि हुने बजारसम्बन्धी मञ्चमा अध्यक्ष ओली जाने कार्यक्रम रहेको थियो ।
व्यवस्थापिका–संसदमा संविधान संशोधन विधेयक दर्ता भएपछि उत्पन्न राजनीतिक घटनाक्रमका कारण अब सो कार्यक्रममा पार्टीका महासचिव ईश्वर पोखरेलले भाग लिदै छन् । सम्मेलनमा नेपालका अन्य दलका प्रतिनिधि तथा अर्थविद्ले पनि भाग लिने कार्यक्रम छ ।