कोइला खानीमा विस्फोट चारको मृत्यु

एजेन्सी ,, ६ मङ्सिर । चीनको मध्य भागमा पर्ने हेनान प्रान्तमा अवस्थित एक कोइला खानी विस्फोटमा परी कम्तीमा चार व्यक्तिको मृत्यु भएको स्थानीय अधिकारीले जानकारी दिएका छन् ।
स्थानीय समयाअनुसार आइतबार अपराह्न ३ बजे भएको यस विस्फोटमा परी खानीका पाँच कामदार फसेका थिए । बेलुकासम्म दुई व्यक्तिको मृत्यु भएको र एक सख्त घाइते भएको खानीका अधिकारीहरुले जानकारी दिएका थिए ।
बाँकी दुइ व्यक्तिको शव खानीबाट सोमबार विहान ८ बजे निकालेपछि यस घटनामा मारिएका व्यक्तिको सङ्ख्या चार पुगेको बताइएको छ । विस्फोटनको कारण अनुसन्धानरत रहेको बताइएको छ ।