२०२१ सम्ममा भारतले चन्द्रयान-३ प्रक्षेपण गर्ने तयारी

 काठमाडौँ । भारतले चन्द्रयान-२ को विफलपछि चन्द्रमामा पुग्ने चन्द्रयान-३ बनाउने तेस्रो योजना बनाएको छ। बुधबार भारतको स्पेस एजेन्सीका अध्यक्ष के सिभनले मानवरहित चन्द्रयान-३ को काम सहज रूपमा अघि बढेको बताएका छन्।

चन्द्रयान-३ लाई २०२० भित्र नै पठाउने योजना बनाएको छ तर २०२१ सम्म पनि धकेलिन सक्ने सिभनले जनाएको छ। यो सफल भए चन्द्रमामा अन्तरिक्षयान अवतरण गर्ने भारत विश्वको चौथो राष्ट्र हुने जनाइएको छ।

चन्द्रमामा रुस, अमेरिका र चीनले चन्द्रमामा अन्तरिक्षयानमा पठाइसकेको छ।यसअघि भारतले गत २२ जुलाई मा चन्द्रयान-२ प्रक्षेपण गरेको थियो। सो उडान विफल भएसँगै भारतले अहिले फेरि नयाँ यानको योजना बनाएको हो।

प्रकाशित मितिः २०७६ पुस १७ बिहीबार