धादिङमा जिप दुर्घटना चारजनाको मृत्यु

काठमाडौँ । धादिङमा जिप दुर्घटना हुँदा चारजनाको मृत्यु भएको छ । गल्छी गाउँपालिका वडा नं ६ बाँझगाउँमा बोलेरो जिप दुर्घटना हुँदा चार जनाको मृत्यु भएको एसपी राजकुमार बैधवारले जानकारी दिए ।

घटनामा थप एकजनाको मृत्यु भएको जानकारी आए पनि पुष्टि नभएको उनको भनाई छ । दुर्घटनामा १० जना घाइते भएका छन् । सिरुवारीबाट बैरेनी तर्फ जाँदै गरेको बा १८ च ९४०८ नम्बरको जिप अनियन्त्रित भएर पल्टिएको अनुमान गरिएको छ ।

प्रकाशित मितिः २०७६ असार ६ शुक्रबार