बसको ढोकाबाट हाम फाल्दा मृत्यु

काठमाडौँ ।  भरतपुरको चितवनमा बसको ढोकाबाट हाम फाल्दा एकजना महिलाको मृत्यु भएको छ ।

मृत्यु हुनेमा रत्ननगर नगरपालिका–९ बस्ने ३७ वर्षीया बालिका आचार्य रहेकी छन् । आइतबार नारायणगढबाट भण्डारातर्फ जाँदै गरेको लु१ख६९९१ नम्बरको बसमा सवार उनले भरतपुरको चौबीसकोठीमा बसको ढोकाबाट हामफालेकी थिइन् ।

उनको पुरानो मेडिकल कलेजमा उपचारका क्रममा मृत्यु भएको जिल्ला प्रहरी कार्यालय चितवनले जानकारी दिएको छ । शव परीक्षणका लागि भरतपुर अस्पतालमा राखिएको र घटनाको थप अनुसन्धान भइरहेको प्रहरीले जनाएको छ ।

प्रकाशित मितिः २०७६ असार २ सोमबार