मेस्सीको प्रतिमा दोस्रो पटक तोडफोड

एजेन्सी, १९ मंसिर । विश्व फुटबलका स्टार खेलाडी लियोनल मेस्सीको प्रतिमा अराजक समूहले दोस्रो पटक तोडफोड गरेका छन् । गएको वर्षको जुनमा अर्जेन्टिनाको राजधानी ब्युनेस एयरसमा अनावरण गरिएको मेस्सीको काँसको प्रतिमा दोस्रो पटक तोडफोड भएको हो ।
मेस्सीको प्रतिमा अराजक समूहले गोली गाँठो भन्दा केही माथिबाट फुटाएर लडाएका छन् । मेस्सीको प्रतिमाको मूख्य भाग भुइँमा लडेको छ ।
प्रहरीले तोडफोडको कारण थाहा नभएको अनुसन्धान भइरहेको जनाएको छ । अर्जेन्टिनाका सञ्चारमाध्यमले तोडफोड भएको मेस्सीको प्रतिमाको तस्बिर ट्वीट गरेका छन् । गएको जनवरीमा मेस्सीको प्रतिमा कम्मरबाट काटिएको थियो ।