३२ जिल्लामा ८०७ जनाको उम्मेदवारी दर्ता (सुचीसहित)

काठमाडौं, ६ कार्तिक । पहिलो चरणमा ३२ वटा जिल्लामा मंसीर १० गते हुन गईरहेको प्रतिनिधि तथा प्रदेशसभा सदस्य निर्वाचनको लागि प्रतिनिधिसभातर्फ ३२३ र प्रदेशसभा सभातर्फ ४८४ गरी जम्मा ८०७ जनाको उम्मेदवारी दर्ता भएको निर्वाचन आयोगले जनाएको छ । पहिलो चरणमा हुन गईरहेको प्रतिनिधि तथा प्रदेशसभा सदस्य निर्वाचनको लागि हिजो उम्मेदवारहरुले मनोनयन दर्ता गराएका हुन् ।
आगामी मंसिर १० गते हुने पहिलो चरणको निर्वाचनका लागि आयोगले उम्मेदवार विरुद्ध उजुरी दिनका लागि आज बिहान १० बजेदेखि अपरान्ह ५ बजेसम्मका लागि समय तोकेको छ । उजुरीउपर कात्तिक ७ गते छानबिन गरी उम्मेदवारको नामावली प्रकाशन गरिने छ र कात्तिक ८ गते उम्मेदवारी फिर्ता लिने कार्य सम्पन्न भएपछि उम्मेदवारलाई निर्वाचन चिह्न प्रदान गर्ने कार्यक्रम रहेको आयोगका प्रवक्ता नवराज ढकालले जानकारी दिए ।
प्रतिनिधिसभा तथा प्रदेशसभा सदस्य निर्वाचनका लागि परेको मनोनयनको जिल्लागत विवरण यस प्रकार छ :