मेयर रेनु दाहाल प्रतिनिधिसभा चुनावमा, जनताको सेवामा क्रियाशील हुने

काठमाडौं । चितवन भरतपुर महानगरपालिकाकी मेयर रेनु दाहालले प्रतिनिधिसभा निर्वाचनमा चितवन क्षेत्र नम्बर–३ बाट उम्मेदवारी दिने तयारी गरेकी छिन्। सोमबार सञ्चारकर्मीहरूसँगको छलफलमा उनले मेयरको दुई कार्यकालपछि नयाँ भूमिकाका लागि तयार रहेको र जुनसुकै भूमिका भए पनि जनताको सेवामा सक्रिय रहने बताइन्। दाहालले जनतालाई काम गर्ने क्षमता भएका उम्मेदवार छान्नुपर्नेमा जोड दिँदै चुनावमा प्रतिस्पर्धा गर्न डर लाग्ने कुनै कारण नभएको पनि स्पष्ट पारिन्।