भूमि अध्यादेश सत्तारुढ दलहरूबिच छलफल गरेर पास हुने गुरुङकाे दाबी

काठमाडौं ।  सञ्‍चार तथा सूचना प्रविधि मन्त्री पृथ्वी सुब्बा गुरुङले सरकारले ल्याएको भूमि अध्यादेश सत्तारुढ दलहरूबिच छलफल गरेर पास हुने दाबी गरेका छन् । मन्त्रीपरिषद्को बैठक सार्वजनिक गर्ने क्रममा उनले भूमि अध्यादेशमा सत्तारुढ दलहरूबिच फेरि छलफल र विस्तृत सहमति गर्न आवश्यक रहेकाले रोकिएको दाबी गरेका छन् ।

‘सांसदबाट अध्यादेश पारित गर्नुपर्ने संवैधानिक व्यवस्था अनुसार ५ वटा प्रतिनिधि र राष्ट्रियसभाबाट पारित भइसकेका छन् । उनले भने, ‘भूमि अध्यादेश बाँकी छ । ६० दिनभित्र पास गर्नुपर्ने हुन्छ । भूमि अध्यादेशमा सत्तारुढ दलहरूबिच फेरि छलफल र विस्तृत सहमति गर्न आवश्यक छ ।’