मेक्सिकोमा बस र ट्रक ठोक्किँदा ४१ जनाको मृत्यु

काठमाडौं । दक्षिण मेक्सिकोमा बस एक ट्रेलर ट्रकसँग ठोक्किँदा ४१ जनाको मृत्यु भएको छ । शनिबार बिहान ४८ जना चढेको बस एक ट्रेलर ट्रकसँग ठोक्किएको टाबास्को राज्यको सरकारले जानकारी दिएको थियो ।

स्थानीय अधिकारीका अनुसार दुर्घटनामा बसमा चढेका ३८ जना यात्रु, बसका दुई चालक तथा ट्रक चालकको मृत्यु भएको हो ।

ठक्करपछि बसमा आगलागी भएको र बस पूर्णरुपमा जलेको छ । मृत्यु भएकाहरूको सनाखतको प्रयास भइरहेको स्थानीय अधिकारीहरूको भनाई छ ।

दुर्घटनाबारे अनुसन्धान भइरहेको स्थानीय अधिकारीहरूले जनाएका छन् ।