भीम रावललाई साथ दिने भन्दै ५९ जनाले छाडे एमाले

काठमाडौं । नेकपा (एमाले) का ५९ जनाले भीम रावलको मातृभूमि जागरण अभियानलाई समर्थन गर्दै पार्टी छाडेका छन् ।

एमालेका विभिन्न विभाग र कमिटीमा रहेका उनीहरुले आज संयुक्त विज्ञप्ति निकालेर रावलको साथ रोजेको भन्दै एमाले परित्याग गरेको घोषणा गरेका हुन् ।

विज्ञप्तिमा एमालेको केन्द्रीय पर्यटन विभाग सदस्य रमेश बहादुर कुँवर, एमाले सुदूरपश्चिम प्रदेश कमिटी सदस्यहरु चक्र रावल, जंग विक, केशर मियाँ, निर्मला रावललगायतको नाम छ ।

उनीहरूले भीम रावललाई पार्टीको संगठित सदस्यता खोस्नुलाई अध्यक्ष केपी शर्मा ओलीको स्वेच्दछाचारी र निरंकुश निर्णय भनेका छन् ।

अनुशासन उल्लंघन गरेको भन्दै रावललाई एमालेको २०८१ पुस १० गतेको सचिवालय बैठकले पार्टीबाट निष्कासन गरेको थियो ।

विज्ञप्ति :