फिफा वरीयतामा नेपाल यथावत

काठमाडौं । फिफा वरीयतामा नेपाल यथावत रहेको छ । विश्व फुटबलको सर्वोच्च संस्था फिफाले बिहीबार सार्वजनिक गरेको नयाँ वरीयतामा नेपाल १७५ औं स्थानमै यथावत रहेको हो ।

दक्षिण एसियाली मुलुकहरूको वरीयतामा नेपाल अहिले तेस्रो स्थानमा छ । भारतले एक स्थान सुधार गर्दै १२६ औं स्थान बनाएको छ । यस्तै, माल्दिभ्सले आफ्नो १६२ औं र भुटान १८२ औं स्थानमा स्थिर छन् । अन्य दक्षिण एसियाली मुलुकहरूमध्ये बंगलादेश १८५ औं, पाकिस्तान १९८ औं, र श्रीलंका २०० औं स्थानमा रहेका छन् ।

विश्व वरीयतामा अर्जेन्टिना शीर्ष स्थानमा रहेको छ । फ्रान्स दोस्रो, स्पेन तेस्रो, इंग्ल्याण्ड चौथो र ब्राजिल पाँचौ स्थानमा रहेका छन् । यस्तै पोर्चुगल छैंटौ, नेदरल्याण्ड्स सातौं, बेल्जियम आठौं, इटली नवौँ र जर्मनी दशौँ स्थानमा रहेका छन् ।