प्रदेश नम्बर २ मा ७७ प्रतिशत मतदान

काठमाडौं, ३ असोज । प्रदेश नम्बर २ मा हिजो भएको निर्वाचनमा ७७ प्रतिशत मतदान भएको छ । आठ जिल्लाका १ सय ३६ स्थानीय तहमा हिजो भएको निर्वाचनमा ७७ प्रतिशत मतदान भएको निर्वाचन आयोगले जनाएको छ ।
निर्वाचन आयोगको संयुक्त निर्वाचन सञ्चालन केन्द्रका अनुसार सप्तरीमा ७६.४ प्रतिशत, सिरहामा ७७.४ प्रतिशत, धनुषामा ७३.७ प्रतिशत, महोत्तरीमा ७३.३ प्रतिशत, सर्लाहीमा ७६.३ प्रतिशत, रौतहटमा ८०.४ प्रतिशत, बारामा ७९.४ प्रतिशत र पर्सामा ८०.१ प्रतिशत मतदान भएको छ ।
धेरै स्थानीय तहको मतदान सुरु भइसकेको छ भने बाँकी स्थानमा दलहरुसँग समन्वय गरेर मतगणना सुरु गर्ने तयारी भइरहेको छ ।