आज पनि घट्यो सुनको मुल्य, कतिमा हुदैँछ कारोबार ?

काठमाडौं । नेपाली बजारमा सुनको मुल्य घटेको छ । बुधबार सुनको मूल्य प्रतितोला ४ सय रुपैयाँले ओरालो लागेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रति तोला एक लाख ६२ हजार २ सय रुपैयाँमा कारोबार भईरहेको छ। हिजो छापावाला सुन प्रतितोला १ लाख ६२ हजार ६ सय रुपैयाँमा कारोबार भएको थियो।

त्यसैगरी, आज चाँदीको मूल्य भने तोलामा १५ रुपैयाँले बढेको छ । आज चाँदीको मूल्य प्रतितोला १ हजार ९ सय ४० रुपैयाँमा कारोबार भइरहेको छ । अघिल्लो कारोबार दिन बुधबार चाँदी १ हजार ९ सय २५ रुपैयाँमा कारोबार भएको थियो ।